Hoi nun sinak nih phak lo hrat cun.
Nulepa, Inn chungkhar khuasaknak, chawleva nih an phak lo hrat cun ruahchanmi, tleihchan mi an tlawm,
Cutin, hoi kom rual sinzongah mit hmai a panh kho ve tawn lo, hoi nunhngar mi kutke zohin anung mi, jame tein chungkhar nun cu, zing fatin le zanlei fatin ti awk in, an pawpi nih tekkhuari thawngbang,a turh in a turh hna, u nau chungle khat cingle rualchan ramdang in bomtu ngeivelo mi hrangah cun, mitthli he khuaruah i, a thliin ttahtawn tiko lo cu tuah awk le ruah awk zawng a um lo.
Sifahtuk, le rak har sat tuk cangah cun, țuan awk zong a rak um lo, misifak tuk mi hna kan hrangah cun ei awk a harban tuk in rianttuan awk zong ahar Tiin James nih cun a cohlan i cubia cu a thinlungah chun zan dongloin a ruahmi, a rak auleng mangtu an si..... Nain james nih cun hoibantuk in fimnak, cawnve, nunve cu a duh, an chungkhar sining a zohah le khuaruahpit fawn,Vanka zohah a sang, lei ka zohah a pit timi bia kha voitampi hi țahle aihram buin a chim lengmang ko, zei te san an tlailo nain a chim tawn i a thlitein hoi um lonak ramtanghnaah a au caan ah khin cun, a hnangam deuhmi, khuaruahnak tluang deuh khin a hngal tawn, nain caan tlawm pal ah a rak kir tthan leng mang fawn cu bia fang hna nih cun.....
Kum 2010, Thal sianginn khar lai cami puai cu, James nih teinak hmuh hrim dingin timhlamhnak a ngei, cusin cun ruahnak a ngeihmi pakhat cu catang tang 9 hi ka kai kho veti ttunglailo, zeitin hen ka si kunlai, nule pasin ah kai ka hauh ngamttung hna lailo timi cu, an siangin khar hlantein a lungkil rak cul tu an si ttung...
Taktak in tang8 cu james nih a awn(pass) ve, anule nih a awn cu an hngalh fawn, Fapa ngeihchun tenih sifawn, khuaruah harin an chungkhar cu an khat ko hna, a nule pa nih James an zohah le siangin kailo ding, lothlo ding le rianhrang van tuan taktak dingah cun an siang ve tunglo, khuapi hmunpi ah sianginn ca cawn dingah le a tlawmbik kumkhat caah, tinghra tal cu herh fawn, timi khua an ruahah, a nulepa cu an mitthli luang kho ve,
An inn lelo, an siacaw hna le vok ar vialte hna hmanh zuar dih hmanh hnasehlaw, kumkhat tangkua cawnnak ding hmanh ah a zat ding a sifawn lo.....
Zingkhat cu, james cu zeibia hmanh chimloin antappi ah, a lutei khun in a thawhka in an tappi cu chuahtak hin loin a thutnak ngaiteah cun a thu peng, anule pa nih an hngalh thiam colh ko, a ruang cu (may) thla ni20 a sicang caah, a hoi le an khuachung minung hna cu, sianginn kai dingah Hakha,thantlang, Kalaymyo panhin an i thawh ni a si hna, cucaah lengah chuak ngam lo le a hoi le kal ding zohngam lo in a thutnak cu a si..
A thlitein an tappiah a mitthli, ngeihchiatnak,hna cu an tlapah, a biang cung lehmai hna cu a mitthli nih an cinter i, thalruah siamsiam bangkhin, an tla ziahmah.
A nule pa cu sual a phaw hrim hrim hnalo, A thinlung chungah a khuaruah mi cu, hitin-
Maw Cungnung Bik Pathian, Ka nule kapa hi Rian an tuan tuk veko tung,
An thlantifim a chuak i, an thlanchuah awk a umlo tiang deng hna in rian an tuan veko tung, Na thluachuah tinco awk ah an i tlak velo maw?ziahkum pikum khat chung, nilin ruahsur, khualinh zongah dinlo le hriallo inan tuan vemiah na thluachuah an um velo, Biak awk tlak le zumh awk tlak Pathian na si hme maw ti hnain Pathian khi thangchiat sehlaw a dawh.
A si, a mawh lo James a nu lepa hi an khuachung ah cun rian a tuanbik an si takko, thlile ruah, nilinh, hmaisem, fikfa zeitluk hmanh ah a hriallo tu an siko, nain cu tluk an tuan bu zong cun kum khat pawcawmnak an ei ding hmanh an hmu tawn lo, Pathian sinah a vui vai zong hi khat leikap cun a mawh ve hrimlo.
Amah, Pathian nih zuuleva hmanh rawllo in ka chiah balțung hnalo a timi kha cu, vokle arnih an cilmi bantuk men an si cangko,
Ei lo in an um can hna hi aa tlawmti lo, cucaah James mah tluk in an tappi ah a hmurka in a chimlonain a thinlung nih a chimmibia an fahle a ruahnak cu a si.....
Cuti cun, ngeihchia uai hninhniang tekhin, a um, Inntual chuah zong a duhlo, Pathian sinah vuivainak in a khat cang.....
Jamse caah nikhat cu lomhnak kan tilai ma mitthli tlak nak ding kan ti lai hme!
Voikhat zaan cu a pa nih, Thaizing cu a zeisi hmanhah, sianginn kaiah na thawh ve lai, cucaah, kafa bia cah awk tampi kan ngei i tuzan cu, kan chungkhar tein Pathian sinah pumhnak caan kan ngei lai i biacah zong kan i chimpah lai tiin, james cu achimh ko, Khuaruahhar in James cu a khat, A thinlung khin Cu vialah cun Maw Pathian ka lomtuk, tiin voitampi a au manh...
James cu a thil ngeih chun, Angki, bawngbi, chia nawntete cu, a bag chungah sanh in. Anu nih a thil cu a van timh piak i a van sanh piak hna,
Zeikhua hmanh a ruat kho tilo jame cu lomhnak nih a nun an culdih i ngeihchiat nak mithmai a um tilo,
Nain James a nulepa bel cu mithmai tha hmanhin an um kho lo, an mirh nak phenah, Mitthli vanruahti khawdawmpi cu thlichia letilet bantuk in a rak hrang i a luang, jame nih zoh a hngalti lo anu lepa lomhnak pinah mitthli hna cu a hmu kho ti hnalo.....
An Chungkhar te cu an innpi leiah cun an van thu hna,
Aa Panih hin tinbia a van thawk,
Khah zeikan ti hnga, kan fapa james,
Na nule pa nih hin kan in dawttuk, nain kan in dawtnak hi a langhter zia hmanh kan thiam lo, cun dawt kan in duh bantuk in kan in dawkho fawnlo,
Hih, kan Innchungkhar cu na hngalh ko i, hiti longhi kan si fawn, cucaah, zeihmanh kan in tuah piak kholo,cun
Kan sining cu na hngalh ve dihko,
Kanharsat ning le kan sifahning cu chim hau loin na hngalh, cucaah na kalnak ding cycle hlannak zong kan ngeilo, ketein na kal a hau ko lai, cucaah faktuk le ningfzahtuk tibantukin um hlah, mahsinak, mahdir hmunteah lunglomh i timlaw,kekal zawng hi hrehtuk hlah tiin biahram thawk nak ah a pa nih cun a van chimh.......
Abia cu a panih avan peh than i,
Kafa pa Thatein cawn va zuamlaw,na tuahmi kipah, teinak na hmuhnak lai
Zumh tlak, le teirialtein va nung law va zuam cun, Thiltha lo, Zudin, saei, perlevah, tibantuk hna maw va hmang ve suallai cimu, na hman i na um ve ti thawng pang kan theih hin cun Na nulepa cu kan thi a siko cu caah, lungfim tein va um, kan ngeih ruangah kan in kal ter dingmi na silo i, hitimen i na um ding, cun hmai lei caanah Nupi pasal zong na duh vete lai cutikah, hoi hmai na dello phanle,
Mithmai thalo hmaileiah na hmuhnak hnga lo tiin, fimcawn dingin, mido cawiinkan in kalter mi nasicaah, zeikhom vasisehlaw, kafapa nanule pa, kan Innchungkhar, khuasak ning ruatbutein,cawn va timlaw, teinak he rak kir than dingin va zuam timi hi bia caah kan duh tiin a panih a van chimh.....
A nunih hintin a van cah ve.....
Kafa kei cu,in chimh awk in cah awk hmanh ka hngal in ka thiamlo, in cawnpiak zia le mah cuti cun um law va nungti ding hmanh chim awk ka hngal in ka thiamlo, kei cu an hringtu menmen ka sicaah, zeihmanh tuah piak khawh zawng kan ngeilo,Pathian sinah thlain cam piak tiko lo cu, cucaah, kafa na va umnak hmunpaohah PaThian hi a pakhatnakah vachia, cun khawzeihmun le hma hmanhah va umlaw nule pa dawtu na ngeiti hi vaphilh hlah, cun Zeina tuah hmanhah zumh awktlak tein va umpeng law va tuah zungzal, mihmuh nak ah zumhtlak na sinak le mihmuh lo nak ah zumh tlak na sinak kha i dang hlahseh, ka chim duhbik mi cu, mimithmuhah zumhtlak vasi law mihmuh lonak zongah zumh tlak vasi ko tihi a si.....cun hmunpi, khuapi, inn thawnghnih le thawng8 hna an umnak hmun, miphun kiphnam kipcawh nakah khuasa ding ah le nunnak caah fimnak, thiamnak cawng dingin, khuasak dingah na kal velai va sikaw thaizing cun, cuka hmunah cun, zeitluk in dah mitha lo le sualnak a tam kha an chim lengmangmi kan hngalh ko cu sualnak chungah cun nava pilsual nak hnga lo, thlacam dai thlang hlah mu....cun na khuasak nak ah hoinun hngartuk in na um ding ka ruahkhin kei cu an hringtu nanu ka sibantuk in,ka ngeih achia i ka zang na faktuk, mimit hmai zohtuk buin le,hoinun hngartuk inn na va um ding mi hi ka lungthli cun ka ruat ngamlo,
Nain kallo dingle cawnlo dingin na um ding ka ruahah le cunak fak cun ka lungfah in ka zangna fak fawn, cucaah, kafa lung donglo tein na um dingle, Nuamtein na um khawh venak lai PaThian bo chan hi cu na philh baklo ding a siti hi nolh than ka duh....
Minih, an duh paoh an i cawklai, an duh mithilthatha an i hruklai, an ei lai cutikah nang an pawng ah hoi hngar tukin na va um ding cu, hrialkhawh a si fawnlo, cucaah, mahsinak, mah le cantawk teah kafa hnangam thiam i lung tlin thiam mi sihram ko, cun a ingkho mi, harnak pinah lomhnak a um timi tleihchan tu, na sinak lai, thinlung puitlin, patlin i timhram muh...
Khah ka biasau cang a donghnak ah chimh kan duh mi cu, Mi an ih ah cun nang cu tho cang, cun hoi an thawhah cun dir, hoi an dirah cun kal, hoi ankal ah cun tli tihi cah kan duh,
PaThian nih thluachuah hmuh awk ah a tlak ko a timi si dingin i zuam muh,
Teinak he kan sinah na rak kirthan nak lai Pathian nih thlua inchuah in kumpi kumkhat chung na umkal nak ah lam in hruai koseh......
Cuti cun a bia a van donghter......
Cuti cun a thaizing khua fing an van cah i ar an khuan khin, james cu a tho i rawlthing a zanah a ei awk an chuan mite cu a van bar i a van ei ta,
A hoi le nih an van auh colh tlawmpalah, a nu le pa nih cun an khua hauka tiang an hei thlah, khah ka fa damte le tuangtein an ti hnuah,
James le a hoi le hna cu an bag i bei cun an lungrawn khua chuahtak cun an ke an hlang ziahmah hna, James cu voikhat te hnuleiah a van i her ta, a nunih, a thinlungin khah ka fa damtein mu, timi ruahnak le mitthli he byebye a tuahmi, le a thinlung tah thawng cu a theih, nain kallo awk a tha lo, fimthiamnak cawn cu pei a duh vefawm cu nule țangtangah le kuttangah a nunchung a um kho ding a silo zia cu a hngalh ve caah amah nih lam a sialve, a tuah ve a herh caah, a rian cu teimak nak le hlawhtlinnak he dih ter a duh ve....
An khua fingle tlang cu, an hlat ziahmah, an khua a langhnak in a hei cuanah khin, a mitthlamah an in chungkhar a langdih, a nu le panih a zawn an ruahnak, harsa tuk in a va um ding an ruahpiaknak mitthli tla mi hna cu a hmuh khawh hna, maw nulepa dawtnak ngai hi, dawtnak taktak cu, fingle tlang meng thong hmanh nih a dan khawh tunglo, ka nu kan tappi ah a thu mi mitthli zong ka hmuh khawh ko tungtiin a lungkilah,
Ngeihchiat nak in a khat ve......
