Ramrian, le phunghram, hna a thei ngai mi le a hngal ngai mi ka silo nain, kum 2008 phunghram cheu khat kan zoh hna lai.
Kawl Ralkap hna hi mi cheu khat nih kan tanhpah tawn hna i Kawl Ralkap ah a tla mi zong kan um pah hna. Kawl Ralkap nih Ram an dawt le dawt lo cu kum 2008 phunghram pi na hngalh longah na hngalh lai. Hi phunghram pi hi. Nunnak le himnak a silo thihnak le mah le mah i vennak long te an si. Aung san sermi phunghram tu kha phunghram dik le hman a si. Aung san bia ka uar tuk mi cu Pakan a lak i zoh hmanh uh,kheng i a lai hi a kuar i a tlang zong a um, hi bantuk hin, Rampakhat ah a rawnnak a um awk le a sannak a chennak a um awk a siko, cu ruangah thleidannak a um awk a si lo tiah a rak chim. Aung san sermi phunghram kha cu kum hleili te long a nun manh i an thah colh ai. Kha phunghram kha rak nung pengsehlaw, Democracy taktak cu kan hmuh ve cang ko lai. Kum 2008 phunghram hi Zu le sa he nuamtawl pah in an rak sermi a si ca ah minung Kalkap silo mi ca ah cun thihnak a kan hrawktu taktak. Si. Kum 2008 phunghram hi (Principle of Constitution) a tling bak lo mi a si.
Upa di van langhter pah cang hna usih.
I peh tlai lo ngaiin ka van chim lai.
Dal(1) poahmah (6) D ah Sikaan atling mi Democracy kan dirh lai tiah an hei tial ve. Hihi a tling mo nihin kan dir hmun he van tah chunh uh.
Dal(1) poahmah (6) F ah kan Miphun nainganzi ah Ralkap nih hruai ding. Tiah an hei tial ko ai. Hna pahnih bak nih kan ram cu an thah i an hrawh cikcek chim ceih um lo ding tiang in an hrawh cang. Zeipoah ah ralkap hawi lawngte a si cang ai. Thein sein nih Ralkap long sikan kan ngei tiah a rak ti. A chim duh bik mi cu mipi hna le midang cu sikan nan ngeilo cu ruangah Ralkap nih kan in uk pengko hna lai a ti duh nak bia khi a si.
Kum2008 phunghram nan relah le kan chim ah cun Ralkap hi tamuk a lang lai nan fih men hna lai.kei zong ka fih ko hna.
Cun Democracy cu Democracy si a siko ca ah Sikan a tling mi Democracy si kan ser lai ti cu a um bal mi zong a silo, mihrut luak chuak, pawl nih kum 14 chung an hei ser mi cu luak chuak tuk khi an si.Dalkhatnak Dalkharnak f6 ka nan hmuh hin thih nak a si ti nan hngal kho ve ko lo mo?. Ralkap nih hin kum 65 lengluang ram an hrawh cang mi le sui le ngun an lak lengluang cang mi hi an i za rihlo i hrawh chinrih le lak chinrih khi an hei duhrih. Ramsifak bik sinak dirhmun tiangah an rak kan dirter. Kum 1988 kumah sianghngakchia an thah hna hnu in nihin ni tiangah an thisen a thah poah ah thah tuk an kawl rih. Hei ruah ah cun Kawl Ralkap hi minung an tling taktak ve hnga mo? Ti tiang hna ka ruat.
Chim ah cun kan ram chungah, mizapi Civilians vialte hna cungah ralkap uknak (military Demand) a um chung poahpoah ah cun Democracy taktak a um kho lo.Federal zong a sikho lo. Kum 2008 phunghram phungh6 D Le F kan hlauh khawh hlan chung poah ah cun Democracy timi lam cu a pit bak in a pit. Ralkap rian hi ram uk a si ballo, ram ven le Raltuk hi a siko, ram uk tuah an i telphung hrim zong a silo. Kawlram cu Luatlatzi kan hmuh hi ralkap pawpuarnak le mipi pawtam in thihnak tu a rak si deuh. Lai miphun hna nan chuah kehnak kan rampi le kan phunghram hi na ruat bal mo? Na lung a fak bal mo? Fak ve cang seh na thih hlan ah na lung fim ta hrim.
Shwe man nih kan hnu leiah. Ralkap kong cu Hluttaw ah chuah pi sihlah sehtiah a rak chim. Khakha ralkap kong nan ceih kho lo a tinak a si. Cianhphut hna bia le Ralkap hna bia a zum mi cu Yangon sizungah kuat ding nan si mihrut nan si tiah. Tawn nih a chim.
Dal (1)nakpoahnah 402,401,419 ah an tial mi ah cun, Ram chung nawlngeihnak dih lak, Ralkap nih kan lak mihi a hmantuk an ti. Cun. 417 ah Ralkap uk nak hi a kum khiah sihlahseh an hei tirih.
Hitiang ka chim ah hin Ralkap nih ka luak an ka chuah ter.
Hi tluk te long kan chim mi hmanhah ka luak an ka chuah ter. Thih hlan lo ralkap nih an kan uk ah cun kan thihnak le tuanbia a chia tuk lai.
Note. Palh mi um cun Cațial tu nih Ngaih thiam ka ham cia.
By: Salai Cs Thang.
No comments:
Post a Comment